أحد ضحايا مطاردة الواحات الجديدة يكشف تفاصيل الواقعة: خبطني علشان بدافع عن البنات.. ودمرلي عربية أكل عيشي

كشف الشاب جون مايكل، أحد ضحايا مطاردة الواحات الجديدة، تفاصيل الحادث الذي وقع معه عندما حاول الدفاع عن الفتاتين.

أحد ضحايا مطاردة الواحات الجديدة: خبطني مرتين علشان بدافع عن البنات ودمر العربية

قال جون مايكل لـ القاهرة 24: "أنا كنت ماشي في الطريق عادي، لقيت عربية بتزنّق على عربية تانية، في الأول افتكرتهم أصحاب وبيضحكوا، بس لما بصّيت كويس، لقيت بنتين في العربية، وحسيت إن في حاجة غريبة. لقيت البنت بتحاول تهرب من العربية التانية".

وتابع جون: "قررت أتدخل، فدخلت بعربيتي بينهم وعدّيت العربية بتاعة البنات، وبعدنا عن العربية التانية، وقلت خلاص الموضوع خلص، لكن بعد ما مشينا شوية لقدّام، لقيته جاي بسرعة وخبط عربيتي، وفقدت السيطرة عليها، وقفت على جنب، قام جاي بسرعة وخبطني تاني، وخبط كمان عربية البنات وجري".

وأوضح: "أنا اتصابت بعد الخبطة التانية، وروحت المستشفى وقدّمت بلاغ رسمي، العربية اللي كنت سايقها بتاعة شركة النقل اللي بشتغل فيها، وهو دمّرها، ومش عارف أنا عملت له إيه عشان يعمل كده".

وفي وقت سابق، قالت دنيا محمد في منشور على حسابها الشخصي، إنها كانت تُوصل شقيقتها إلى الجامعة في الساعة 9:30 صباحًا، وكانت في طريقها إلى عملها بالشيخ زايد، عندما لاحظت سيارة يقودها رجل يضايقها ويحاول اعتراض طريقها.

وأضافت، أنها شعرت بالخوف، وحاولت الابتعاد عنه أكثر من مرة، لكنه واصل مضايقتها بشكل متكرر.