أيمن أشرف: بعض المدربين في الدوري بيقبضوا فلوس من اللاعبين
كشف أيمن أشرف مدافع الأهلي ومنتخب مصر السابق، مفاجأة من العيار الثقيل بشأن عمل بعض مدربي الدوري الممتاز خلال الفترة الماضية.
أيمن أشرف يكشف واقعة فساد بالدوري المصري
وقال أيمن أشرف في تصريحات إعلامية: بعد رحيلي عن الأهلي رأيت أشياء في أندية أخرى لم أكن أتمنى رؤيتها، هناك بعض المدربين في الدوري المصري بياخدوا فلوس من اللاعبين وأنا مسؤول عن كلامي.
وتابع: الأمر لا يحدث بشكل مباشر ويتم عن طريق لفة معينة عن طريق وكيل المدرب، الذي يبدأ التواصل مع اللاعب ويعرض عليه الانتقال إلى ناد آخر براتب مثلًا 5 ملايين جنيه وطبعًا اللاعب بيفرح لأن فرق المرتب بيكون كبير.
وواصل أيمن أشرف تصريحاته: بعدها الوكيل بيتفق مع النادي إن راتب اللاعب 7 ملايين، ويقول للاعب أنت نصيبك 5 مليون والباقي ملكش دعوة بيهم لأنه بيكون من نصيب المدرب ووكيله.
وأوضح: أنا شوفت مدربين بتاخد فلوس مقابل مشاركة لاعبين، وأنا شخصيًا طلب مني أدفع فلوس علشان ألعب، وأنا لا يمكن أعمل كدة لو هقعد في البيت.
واختتم أيمن أشرف تصريحاته: بقول للمدربين دول، كفاية فساد وراعوا ربنا، لأن كل حاجة لها وقتها وبتبان، اللي بيحصل ده كله بتخطيط من وكلاء اللاعبين والمدربين علشان يطلعوا بأكبر مكاسب، والمدرب في الآخر مش فارق معاه، لأنه عارف إنه هيمشي بعد 4 ماتشات لكن هيكون جمع فلوس كويسة.
