غادة عادل: بعد انفصالي عن مجدي الهواري كانت اختياراتي غلط.. وكنت بشتغل عشان الفلوس واصرف على العيال
تحدثت الفنانة غادة عادل، عن فترة انفصالها عن المخرج مجدي الهواري، موضحة تأثرت نفسيًا بقرار الانفصال مما أثر على اختيارتها الفنية ونفسية ابنائها.
وقالت غادة عادل، في لقائها مع الإعلامية لميس الحديدي: بعد ما انفصلت مكنتش متظبطة وكانت اختياراتي غلط حتى في الشغل وكنت بشتغل علشان الفلوس وأصرف على العيال مع مجدي الهواري، ولكن ده كان الجزء الخاص بيا، ولادي نفسيتهم مكنتش كويسة، ولكن لما حاسبت نفسي وعالجت الأخطاء لاقيت ولادي اختلفوا من غير ما أعمل مجهود.
غادة عادل تكشف إمكانية دخولها في علاقة عاطفية مرة أخرى
وكانت قد كشفت الفنانة غادة عادل، عن إمكانية دخولها في علاقة عاطفية من جديدة بجانب الكشف عن المواصفات التي تتمنى تواجدها في شريك حياتها المستبقلي، قائلة: الحب موجود طول الوقت، وطول ما القلب بينبض هيدق، وطبعًا لو لاقيت إنسان يستحق أكيد هحبه، أي إنسان كويس وقلبه نضيف وطيب أكيد هحبه، أنا بحب الطيبين واللي عندهم رحمة وعطاء ومفيش مصالح.
غادة عادل تكشف تفاصيل خضوعها لعملية تجميل
كما كشفت غادة عادل، تفاصيل خضوعها لعملية تجميل، قائلة: أحلى حاجة في العملية إنها بترجعك أصغر، مش بتغير فيكي حاجة، أنا قولت للدكتور إني مش عايزة أبان متغيرة، ولا أبان أحلى من الطبيعي، كنت عاملة فيلر دائم زمان، وعمل لي مشاكل كتير، ولما شيلته رجع شكلي زي ما أنا.
