في عيد ميلاده.. الكينج محمد منير: أنا والأيام أصدقاء.. وربنا يديني العمل لغاية ما أوصل 150 سنة
يحتفل اليوم الكينج محمد منير بعيد ميلاده، ويعتبر منير بالنسبة للمصريين هو الصوت الذي حمل قضايا الإنسان والوطن في أغانيه التي جمعت بين العمق النوبي والروح المصرية.
عيد ميلاد الكينج محمد منير
وسبق وتحدث الكينج محمد منير، عن نظرته للأيام وسنوات العمر ومشواره الفني، موضحًا أن مشواره الفني حمل العديد من النجاحات العظيمة كما حمل العديد من الإخفاقات، قائلًا: لو مدوقتش الفشل مكنتش حسيت بطعم النجاح، ولو مدوقتش النجاح الحقيقي مكنتش هشم الاستمرارية، المستقبل شايفه في كل خطوة بتعدي علينا، وميهمنيش يوم وميهمنيش 100 سنة وربنا يديني العمر لغاية ما أوصل 150 سنة، أنا والأيام اللي عدت كنا أصدقاء، عمر ما كان في بيني وبين الرقم مشكلة وبحب كل يوم يمر في حياتي.
وتابع الكينج محمد منير: كان عندي جمهور في الأول 500 واحد نصهم من بيتي والنص التاني من أصحابي، النهاردة أنا ابن لكل الشعب المصري، المشوار كله معاناة في ظل ما كنت بقع وبقوم.
آخر أعمال محمد منير
وعلى جانب آخر، شارك الكينج محمد منير مؤخرًا في فيلم ضي سيرة أهل الضي كضيف شرف كما قدم أغنية الفيلم والتي نالت إعجاب جمهوره وحققت نجاحًا ضخم وجاءت كلماتها كالتالي: جوايا اكتشاف لو كله خاف أنا مش هخاف، من بين آلاف كل اللي شاف قال ده اكتشاف، من يومي على لوني، والناس دي صعب يغيروني، عايروني عاندوني، دلوقتي بس يتمنوا يشوفوني، لينا سيرة لينا ضي.
