زينة أشرف عبد الباقي: توقعت نجاح فيلم مين يصدق في المنصات مش السينما.. ومبيفرقش ليا الممثلين جداد ولا كبار
تحدثت المخرجة زينة أشرف عبد الباقي، عن النجاح الذي حققه أولى أفلامها مين يصدق، عقب عرضه عبر منصة شاهد، موضحة أنها كانت متوقعة نجاح العمل عبر المنصات وليس شاشات السينما.
وقالت زينة أشرف عبد الباقي، في لقائها مع القاهرة 24: كنت حاسة أن فيلم مين يصدق مكانه يتعرض في المنصات أكتر ما أنه يتعرض في السينما بصراحة، علشان إحنا شباب وبنعمل قصة شبابي ومختلفة وشكلها مختلف وجديد وشخصيات جديدة وممثلين شاطرين جدًا بس لسه ممكن يكونوا في البداية شوية، فأنا كنت شايفة أنه هيلاقي نجاح شوية على المنصات ولكن مش النجاح اللي حققه ده، فالحمد لله.
أما عن استعانتها بـ نجوم شباب في أولى تجاربها السينمائية، فعلقت زينة أشرف عبد الباقي: بالنسبة ليا أهم حاجة القصة والشخصيات هما اللي بيسوقوا القصة، أحسن حاجة للقصة والشخصيات دي اللي أنا هعملها، النجوم الكبار والصغيرين دي مش بتاعتي أوي، أنا واحدة بخرج ممثلين أكتر شبه الشخصية أو أنا شايفاه ممكن يفيدني أنا كمخرجة.
زينة أشرف عبد الباقي
وعلى جانب آخر، يعرض حاليًا للمخرجة زينة أشرف عبد الباقي، مسلسل ولد بنت شايب بطولة أشرف عبد الباقي، ليلى أحمد زاهر، نبيل عيسى، انتصار، مروان المسلماني، نبيل عيسى وآخرين، والعمل من إخراج زينة أشرف عبد الباقي، ويعد مسلسل ولد بنت شايب أولى تجارب زينة أشرف عبد الباقي الإخراجية في الدراما، حيث قدمت فيلم مين يصدق في العام الماضي، والذي ضم كلا من الفنانة جايدا منصور، والفنان يوسف عمر، وآخرين.
