المايسترو مصطفى حلمي: الناس مبقاش هدفها الألبوم.. وسوما صوتها مميز والناس فرحت بعودتها
أعرب المايسترو مصطفى حلمي، عن سعادته الكبير بعودة زوجته المطربة سوما، للساحة الغنائية من جديد خلال الفترة الأخيرة، بعد فترة من الغياب.
وقال مصطفى حلمي، في لقائه مع القاهرة 24: دايمًا بدعمها وبشجعها على الرجوع ودايمًا بدي ليها ثقة في نفسها وفي غناها، لأنها فعلًا صوت مميز، مش بقول كده بحكم العلاقة ولكني فرحت بـ رجوعها جدًا وناس كتير أوي فرحوا لـ رجوعها وده بسطني جدًا.
أما عن ما إذا كان سيجعل زوجته سوما، تتخذ خطوة الألبوم خلال الفترة المقبلة بعد النجاح الكبير لعدد من ألبومات النجوم في موسم صيف 2025، فعلق مصطفى حلمي: معتقدش دلوقتي أن الألبوم بقى الهدف بالنسبة للجمهور، النهاردة الموضوع متوقف على أغنية كلماتها كويسة بتخاطب الناس ولحن مميز وصوت يغنيه بشكل مُتقن، وأنا بميل للأغاني الفردية أكتر من الألبوم.
المايسترو مصطفى حلمي يعلق على المنافسة بين مي فاروق وريهام عبد الحكيم وسوما
وسبق وتحدث المايسترو مصطفى حلمي، عن المنافسة بين مي فاروق، وزوجته المطربة سوما، والمطربة ريهام عبد الحكيم، فعلق المايسترو مصطفى حلمي: معتقدش أن دي منافسة، لأن أنا شايف أن هما الـ 3 ألوان مختلفة جدًا زي الفاكهة كل واحدة ليها طعم، وشايف أن ده نجاح لمصر أن عندها أصوات بالقيمة وفنانين بالحجم ده.
