زوج هبة قطب: بنتي مكنتش عايزة تطلع ترند وفكرة التورتة فرايد تشيكن كانت بتاعتها

حل زوج هبة قطب ضيفًا على برنامج واحد من الناس، الذي يقدمه الإعلامي عمرو الليثي والمذاع على قناة الحياة.

زوج هبة قطب: بنتي مكنتش عايزة تطلع ترند وفكرة التورتة فرايد تشيكن كانت بتاعتها

وقال الدكتور هشام عادل: فرح بنتي اتكلف تكلفة كبيرة ولم يكن مقصود أن يكون الفرح ترند والأهالي هما اللي صرفوا على الفرح، وبنتي بلوجر وبتعمل أكتر من حاجة في نفس الوقت، لما الناس عرفت أنها بدأت تجهز لفرح الناس اللي شغاله معاها هى اللي طلبت يعملوللها حاجات كتير مجاملة.

وأضاف: الفيديوهات انتشرت على السوشيال لأن دي ضريبة الشهرة، وكل اللي كانوا في الفرح الأصدقاء والأقارب.

واستكمل قائلًا: تورتة الفرح قولت لبنتي مينفعش نجيب تورته عادية لأنها في آخر الفرح بتترمي ومحدش بيستفاد بيها ولكن اتفاجأت بوجود تورتة فرايد تشيكن وبعد 15 دقيقة خلصت ودي كانت فكرة جديدة وأنا حبتها، وكان الأهم لينا أن الفرح يكون في مكان مفتوح والناس اللي تيجي يكونوا مبسوطين.

ومن ناحية أخرى فقد ردت ابنه هبة قطب على الانتقادات التي تعرضت لها من خلال السوشيال ميديا قائلة في تصريح خاص لـ القاهرة 24: كل واحد بيفرح بـ طريقة حتى أفراح الناس التانية مقدرش أقول فرحتهم صح أو غلط، لأني أعتقد أن طالما حد بيفرح فهو فرحته صح، وطالما معملناش حاجة غلط وبنتجوز فكل حاجة تمام.