الأمن يفحص استغاثة فتاة تتهم جارها بالتعدي عليها لإجبارها على ترك منزلها في الإسماعيلية
تفحص الأجهزة الأمنية، تداول منشور مدعوم بعدة فيديوهات لاستغاثة فتاة من تعدي جارها عليها بإلقاء زجاج وسبها وقذفها، من أجل إجبارها على توقيع إيصالات أمانه وترك منزلها، حسب اتهامها.
الأمن يفحص استغاثة فتاة بالإسماعيلية تتهم جارها بالتعدي عليها لإجبارها على ترك منزلها
وقالت الفتاة خلال منشورها المتداول: بابا متوفي وإحنا صغيرين وعايشه مع أختي المعاقة ذهنيا وماما اللي داخلة على سبعين سنة مقيمين في مدينة المستقبل بمحافظة الإسماعلية.
وأكملت: جارنا اللي تحت واخد شقة ومحولها محلات مخالفة واسمه ن. ا. ع، وبيتنمر علينا وبيحدف علينا زلط وزجاج كل يوم غير الشتايم وبيقول على أختي يا مجنونة، وهي واقفة في البلكونة وبيعملوا حركات -غير أخلاقية- وهي أعصابها تعبت ومش عارفة أعمل إيه ليها، هو وأصحابه وأبوه وأخوه وبيأجر ناس كمان بيمارسوا علينا كل أنواع البلطجة عشان طمعان في الشقتين اللي إحنا نملكهم، وعايز يمضيني على وصل أمانة بالعافية والتهديد، علشان ياخد الشقتين ببلاش.
وواصلت: وكمان بيهدودني لو نزلت من البيت هايأذوني وأنا مستكفية بقدر ربنا، ومراعاة أختي وماما، لكن مقدرش أستحمل ظلم البشر، أختي كل شواية تقولي عايزة حقي.
