لارتباطها بموعد تصوير.. حنان مطاوع تعتذر عن حضور ندوتها في مهرجان VS - film
قدمت الفنانة حنان مطاوع اعتذارها للصحفيين والإعلاميين، عن عدم تمكنها من حضور الندوة الصحفية المقررة لتكريمها ضمن فعاليات مهرجان "VS - film" للأفلام القصيرة جدًا.
حنان مطاوع تعتذر عن حضور ندوتها في مهرجان VS - film
وفي بيان صوتي، قالت حنان مطاوع: أولًا متشكرة جدًا إنكم كنتوا معايا في التكريم الغالي ده، ومتشكرة جدًا لو حضرتكم كنتوا منتظرين المؤتمر الصحفي بس أنا كنت مبلغة إدارة المهرجان إن في صعوبة شديدة أعمل مؤتمر صحفي علشان عندي تصوير الصبح.
وتابعت: وبعد الإلحاح حاولت، لكن التصوير بقى أبدر، فلازم أمشي مع شروق الشمس، فسمحوني، وإن شاء الله نلتقي في مقابلات كتيرة قريبة، متشكرة جدًا ليكم.
ومن جانبه، سبق وكرم مهرجان VS-FILM للأفلام القصيرة جدا، حنان مطاوع، والتي أوضحت أنها تحتفل اليوم بتكريمها وبافتتاح المتحف المصري الكبير أمس، وقالت خلال إلقاء كلمتها في مهرجان VS-FILM للأفلام القصيرة جدا: العيد عيدين النهاردة، إمبارح كنا بنحتفل بافتتاح المتحف المصري الكبير، حدث جلل وعظيم، ويا رب دايما حاضر مصر امتداد لماضي عظيم.
وتابعت حنان مطاوع: شكرا للمهرجان على الجائزة وشكرا على إن المهرجان بيكرم لحظة خيال بتُختزل من فيلم قصير، أهمية الفن مش بـ طول المشهد ولكن بالتأثير، شكرا للفن اللي بيحققلنا كل اللي عايزينه وبيدور على المعاني والتفاصيل.
وانطلقت النسخة الثانية من مهرجان VS-FILM للأفلام القصيرة جدا، بمدينة العين السخنة بحضور الدكتور طارق الشاذلي محافظ السويس وعدد كبير من نجوم وصناع السينما العربية والعالمية.
