الأمن يفحص فيديو لطالب يزعم الاعتداء عليه في شارع الهرم وإصابته بجروح نافذة
تفحص الأجهزة الأمنية بوزارة الداخلية فيديو لطالب يزعم الاعتداء عليه أثناء في شارع الهرم.
وخلال فيديو له على فيس بوك روى الطالب القصة، موضحا أن اسمه رامي ربيع طالب بالفرقة الرابعة بكلية تجارة انجليزي في جامعة القاهرة بفرع الشيخ زايد.
وأوضح: كنت متفقًا أنا وأصحابي أننا نخرج في اليوم ده، خرجنا في الشيخ زايد وبعدها رجعنا على الهرم منتصف الليل، فقلت هبيت معاهم وأنزل الصبح أمشي، صحيت ونزلت الصبح، والساعة 5:30 وأنا ماشي في شارع الهرم عند نفق اللبيني جه حد من ضهري عورني في وجهي بجروح نافذة وعورني في رقبتي كانت هتوصل لذبح.
وتابع: مش عارف ليه عمل كده؟ أنا مليش مشاكل مع حد ومش عارف اللي علم كده كان عايز يسرقني، ولقي الموضوع كبر منه فجري، ولا كان قاصد حد تاني وجت فيا بالغلط، ولا هو كان شارب ومش في وعيه؟!
وتابع: بعد ما اتعورت جريت رحت صيدلية، وهناك عامل الصدلية خدني هو وواحد تاني ودوني مستشفى الهرم التخصصي، وطلبت من المستشفى تقرير عشان أعمل محضر قالوا التقرير بيطلع بعده بـ 5 أيام، وخرجنا من المستشفى من غير ما ناخد التقرير.
وأضاف: بعدها بكام يوم استلمت التقرير ورحت القسم عملت محضر، واتضح أن اللي عملوا كده كانوا اتنين وجوههم مكنتش باينة كويس، ولما روَّحت دخلت على صفحة الوزارة عملت شكوى وكتبت كل التفاصيل، وانتظرت حد يكلمني محدش كلمني.
وبعدها حد من النيابة رن على رقم أخويا يوم 6 نوفمبر ورحت النيابة، استجوبوني ولحد دلوقت محصلش أي حاجة.. المفروض يتم مراجعة الكاميرات في محيط المكان والقبض على من قاموا بالاعتداء عليا.
وختم: أرجو من وزارة الداخلية سرعة القبض على المتهمين، أنا عندي 21 سنة، محدش يرضى يحصل معاه كده بدون سبب، واللي يقدر يساعد بحاجة يساعد.
