مفيش كلمة توصف سعادتي.. والد الصغير يونس مريض ضمور العضلات يعلن اكتمال مبلغ الجرعة الثانية لعلاجه
أعلن والد الصغير يونس مريض ضمور العضلات دوشين، عن اكتمال مبلغ الجرعة الثانية من علاجه، والبالغ 13 مليون جنيه.
والد الصغير يونس مريض ضمور العضلات يعلن اكتمال مبلغ الجرعة الثانية لعلاجه
وقال والد يونس في تصريحات خاصة لـ القاهرة 24: الحمد لله والشكر لله النهاردة جمعنا ليونس مبلغ الجرعة الثانية 13 مليون جنيه، بفضل كل الناس اللي دعمتنا وساعدتنا من البداية خالص وفي الجرعتين دول وإن شاء الله الجرعة الثالثة.
وتابع: أنا النهاردة أسعد أب في الدنيا وعندي أمل كبير في بكرة أن ابني يتعالج ويقف على رجله مرة تانية وشكرًا لكل الناس اللي وقفت جنبي وكل اللي ساعد بدعوة أو بفلوس مش عارف أقولكم إيه.
وأضاف: ربنا لوحده عالم أنا دلوقتي عامل ازاي والسعادة اللي جوايا مستحيل وصفها ياريت كل اللي حوالينا يدعوا ليونس يكمل علاجه وشفاءه على خير بإذن الله، عشان يساند إخوته ويقف جنبهم ويساعدهم طول حياتهم لكن ربنا مأرادش انهم يتعالجوا من مرض ضمور العضلات دوشين.
وفي وقت سابق، استغاث والد الصغير يونس لعلاج نجله، 7 سنوات من مرض ضمور العضلات دوشين، بعد إصابة نجليه الآخرين.
