ميدو: ما حدث بكأس العرب نقطة سوداء في تاريخنا
أعرب الإعلامي أحمد حسام ميدو نجم الكرة المصرية السابق، عن غضبه الشديد بعد خروج منتخب مصر مبكرًا من بطولة كأس العرب 2025 من دور المجموعات، مؤكدًا أن ما حدث يمثل ضربة قوية لتاريخ الكرة المصرية.
تصريحات أحمد حسام ميدو
وقال ميدو في تصريحات عبر برنامجه التليفزيوني: لازم نحترم قميص منتخب مصر، والمنتخب الوطني سواء الأول أو الثاني أو الأولمبي، لأنه بيمثل شعب كامل، ولازم يكون في تقدير للمسؤولية.
وأضاف أحمد حسام ميدو: البطولة دي نقطة سوداء في تاريخنا، ومفيش تجميل للمشهد، لأن اللي حصل قدام عينينا كلنا.
وواصل ميدو مهاجمًا طريقة الإدارة الفنية الحالية: اللي حصل مصيبة مفيش تنسيق، مفيش خطة، مفيش استراتيجية لتطوير اللاعب المصري، العالم كله بيحط خطط طويلة المدى، وإحنا لسه شغالين بشكل عشوائي وعايشين على الماضي.
واختتم ميدو تصريحاته: الجيل الجديد مش هينسى اللي بيحصل دلوقتي اللي حصل في البطولة فضيحة في الأداء والنتيجة، كل اللاعبين اللي شاركوا اتحرقوا بسبب سوء الإدارة، وخروجنا بالطريقة دي مسؤولية كاملة على القائمين على الكرة المصرية.
وفي وقت سابق، انتهت مباراة مصر والأردن، التي جمعت المنتخبين على أرضية ستاد البيت، لحساب الجولة الثالثة والأخيرة من جولات دور المجموعات ببطولة كأس العرب 2025.
وتعرض منتخب مصر لخسارة قاسية بثلاثة أهداف دون مقابل أمام شقيقه الأردني، ليودع الفراعنة بطولة كأس العرب من الدور الأول، فيما تأهل النشامى في صدارة المجموعة وبرفقتهم منتخب الإمارات.
