حقيقة تعرض شيرين عبد الوهاب للإفلاس وبيع ممتلكاتها بعد مرورها بأزمة مالية |خاص
انتشرت خلال الأيام الماضية، أنباء تزعم تعرض الفنانة شيرين عبد الوهاب للإفلاس وبيع ممتلكاتها بسبب أزمة مالية، تزامنا مع اختفائها عن الساحة الفنية للعلاج، ما أثار حالة واسعة من الجدل والتعاطف معها بين الجمهور.
لكن مصادر مقربة من شيرين عبد الوهاب حسمت الجدل، حيث أكدت لـ القاهرة 24، أن ما يتردد عن إفلاس الفنانة غير صحيح تماما، مشيرة إلى أنها بخير وحساباتها البنكية منتعشة ولا تعاني أي أزمات مالية.
شيرين عبد الوهاب
وسبق وعلقت الفنانة شيرين عبد الوهاب، على شائعات اعتزالها الفن.
وقالت في تسجيل صوتي: بحضر مفاجآت مختلفة وجديدة هتفرحوا بيها أوي، هغني ليكم بس من أماكن مختلفة، وهفضل أغني لحد ما أموت ومفيش اعتزال، الاعتزال هو الموت، وطول ما أنا عايشة بغني وبحبكم وواصلني حبكم، أنا عايشة بيه وعايشه ليه.
وواصلت شيرين عبد الوهاب: مش بستسلم أبدًا، في حاجات جامدة جدًا بتحصلي من أقرب الناس ليا تكسير وقتل بس أنا جامدة وربنا معايا ومقويني، وأنا بتاعتكم أنتوا وعايشة علشانكم أنتوا، واستنوا الحاجات الجديدة اللي نازلة وأنتوا الدنيا بالنسبة ليا.
وكان تصدر خلال الفترة الماضية هاشتاج شيرين فين على موقع إكس، وذلك بعد حديث صديقها الفنان رامي صبري عنها في برنامج الحكاية مع الإعلامي عمرو أديب، قائلًا: شيرين صحبتي وأختي ودائما بسأل عليها وهي من أكتر صوت مصري موجود على كل الأبلكيشن الموسيقية مع أنها بقالها أكتر من 7 سنين منزلتش أغاني جديدة بعيدًا عن الألبوم اللي نزل من سنتين.
