ليه الغلبان محدش يسأل عنه؟.. سعد الصغير يطالب الفنانين بالتبرع لمصاب حادث إسماعيل الليثي
وجه الفنان سعد الصغير رسالة حادة إلى زملائه في الوسط الفني، مطالبا إياهم بالتبرع لمساعدة إسلام، الشاب الذي تعرض لإصابة خطيرة في نفس الحادث الذي تعرض له الفنان الراحل إسماعيل الليثي.
وقال سعد الصغير في تصريحات تليفزيونية: أنا عند إسلام اللي كان عامل حادثة مع الليثي، وأنا بصراحة لو مكانه هزعل… هو الغلبان خلاص مينفعش؟ ولما أي مطرب يحصل له حاجة بنجمع وبنعمل له، اشمعنا ده؟
وطالب الفنانين بالتجاوب والمساهمة في علاج الشاب المصاب قائلا: ممكن المطربين يتبرعوا ليه، وكل مطرب يبعتلي اسكرين للتبرع. واللي مش هيبعت هعرف إنه ما تبرعش، وماتطلعش تكذب في التلفزيون.
سعد الصغير يطلق مبادرة لمساعدة أرملة إبراهيم شيكا
وفي وقت سابق أطلق سعد الصغير مبادرة خيرية لمساعدة أرملة لاعب الزمالك الراحل إبراهيم شيكا، بعد علمه بظروفها الصعبة عقب وفاة زوجها، وما تمر به من ضغوط مادية ونفسية أثناء تربية نجلها بمفردها.
وأكد سعد الصغير، في تصريحات خاصة لـ القاهرة 24، أن مبادرته صادقة وخالصة لوجه الله، ولا تهدف لأي شهرة أو دعاية.
وقال: أنا مش قادر أشوف أرملة صاحبي في ضيق وأسكت، جمعت مبلغ كبير علشان أساعدها، وياريت تقبلي المساعدة وتوافقي تاخدي الفلوس.
وأشار سعد الصغير إلى أنه سبق وعرض دعمًا ماليًا لعلاج شيكا في حياته، لكن الأسرة رفضت حينها، مضيفًا: فيه ناس من فاعلي الخير ساعدوني وكل واحد قدّم اللي يقدر عليه، بس أنا زعلان إنها كانت بتطلع في لايفات تطلب دعم وإحنا موجودين.
