الناس بتسألني نحط شهادتنا فين؟.. عمر كمال يرد على منتقديه: لما أنت كنت بتنزل الجامعة أنا كنت بقف طابور عمال عشان أجيب أكل يومي
رد عمر كمال، الفنان الشعبي، على تعليقات بعض الجمهور له، بشأن شهرته وسؤالهم له عن أين يضعون شهادتهم، مشيرًا إلى أنه لم يأخذ رزق أحد وأن ذلك الأمر يسبب له إزعاجا كبيرا، وأنه سعى منذ صغره لتحقيق حلمه.
الناس بتسألني نحط شهادتنا فين؟.. عمر كمال: لما أنت كنت بتنزل الجامعة أنا كنت بقف طبور عمال عشان أجيب أكل يومي
وتحدث عمر كمال في فيديو عبر حسابه على فيسبوك قائلًا: مع كامل احترامي لكل المتعلمين اللي بيقولوا ليا شهادتنا نحطها فين أنتوا أفضل مني.. وحضرتك بتحاسبني على حاجة مليش ذنب فيها ولما أنت كنت بتنزل الجامعة أنا كنت بقف طابور عمال عشان أجيب أكل يومي، أنت ليه بتحاسبني أنا مالي سواء حطتها في الدرج أو على الحيطة وأنا مخدتش رزقك أنا اجتهدت وسعيت؟.
ومن جانبه سبق أن حل عمر كمال ضيفًا على برنامج الحكاية الذي يقدمه الإعلامي عمرو أديب، والمذاع على قناة MBC، والذي كشف من خلاله كواليس أزمة ألبومه الأخير وقال عمر كمال: أنا مش فاضي وطالع أقلد وخلاص ولكن أنا من مدرسة محمد فؤاد وممكن أتأثر بيه، ولو بقلده مش هقدم شعبي ومهرجانات، والألبوم الأخير ده أنا كنت المرشح الثالث ليه لأن في مطرب طلب من المنتج 50 ألف دولار في الأغنية وآخر طلب 20 ألف دولار، وغيرت فيه كتير علشان يكون لايق على السن بتاعي، ومحمد فؤاد هو اللي رفض الألبوم في البداية.
