رامي وحيد: بتمنى أبويا يبقى راضي عني.. ودايمًا بحافظ على سيرته
كشف الفنان رامي وحيد، عن سر حبه للفن، موضحًا أن والده الفنان الراحل سمير وحيد، هو السبب الرئيسي في حبه وإخلاصه الكامل للفن، مؤكدًا أنه يعمل دائمًا على الحفاظ على سيرة والده الراحل في قلوب محبيه.
وقال رامي وحيد، خلال لقائه مع القاهر 24: السينما أكتر حاجة في حياتي بحبها، ومبسوط أني من نبتة فنية لـ أبويا الفنان سمير وحيد الله يرحمه وده اللي حببني أكتر في الفن، ودايمًا أي حاجة بعملها في حياتي بكون مهتم أني أحافظ على الاسم ده ومكانته في قلوب الناس اللي حبته، وأتمنى دايمًا أسير على نفس الخطى ويبقى دايمًا راضي عني.
رامي وحيد: فيلم حلم العمر عاش مع الجمهور بقاله 17 سنة
وعلى جانب آخر، سبق وتحدث الفنان رامي وحيد، عن فيلم حلم العمر الذي شارك في بطولته رفقة الفنان حمادة هلال، معلقًا على تداول الجمهور من جديد مشهده الشهير “يا نور”، الذي قدمه خلال أحداث فيلم حلم العمر، بجانب حديثه عن اقترانه بـ أدوار الشر، قائلًا: فرحان إن الفيلم اتعمل سنة 2009 وحقق نجاح كبير وموجود مع الناس بقاله 17 سنة، كل حدث بيحصل الناس فاكرة كوميك "يا نور"، والكلام اللي كنت بقوله في الفيلم كان تلقائي، وحبيت النجاح وخفة دم الناس.
أما عن تقديمه أدوار الشر، فعلق رامي وحيد: الناس شايفة إنك شخص شرير جدًا وبتكرهك من غير ما تعرفك يمكن ده تأثير الدراما أو تأثير شخصيتي أنا عليهم، الله أعلم يمكن أطلع شرير محدش يعرف ويمكن الناس عندها حق.
