هند صبري: تعب والدتي قبل وفاتها كان سبب ابتعادي عن الفن.. ومفيش عمل في مسيرتي متضايقة منه
كشفت الفنانة هند صبري، عن سبب ابتعادها عن الوسط الفني خلال الفترة الماضية، بجانب حديثها عن منافستها لـ نجوم جيلها، بالإضافة إلى كشفها لأعمالها الغير مفضلة.
وقالت هند صبري، في لقائها مع الإعلامية إسعاد يونس، في برنامجها صاحبة السعادة: السبب الرئيسي أن والدتي الله يرحمها تعبت من سنتين ونص، وكنت حابة أقعد معاها وأديها كل الرعاية والوقت ومكنتش متخيلة قاعدة أصور في استوديو 16 ساعة وهي تعبانة، والسبب التاني أني اشتغلت كتير أوي وده عملي احتراق داخلي.
أما عن منافستها لـ نجمات جيلها، فعلقت هند صبري: أنا ومنة شلبي طلعنا مع بعض في نفس الوقت في كل حاجة، وطبعًا ولاد الحلال كتير وفي الأول حصل بيني وبينها مشاكل كتير أوي، ولكن بسرعة تداركنا الموقف والمخرج محمد خان كان ليه الفضل في كده، عزمنا أنا وهي وسابلنا الغرفة وقالنا حلوا مشاكلكم، ومن ساعتها خدت قرار أني مش هنافس حد بطريقة غير شريفة.
وتابعت: أنا لو جالي سيناريو وعارفة أنه مرتبط بـ ممثلة تانية بقول للي بعتلي السيناريو إني مش هقرأه، لأني خايفة يعجبني وأدخل في صراع نفسي، وأعتقد الوضوح ده خلى كل الستات اللي في جيلي فهموا أني مش جاية أعمل مشاكل، والحمد لله أني معنديش عداوات خالص.
هند صبري تكشف أعمالها الغير مفضلة
وكشفت الفنانة هند صبري، عن الأعمال الغير مفضلة بالنسبة لها من بين أعمالها الفنية، قائلة: مش أعمال ندمت عليها ولكنها مش مفضلة، زي فيلم إزاي البنات تحبك فيلم خفيف مش متضايقة منه كان فيلم شبابي وفيه نجوم كتير أوي، أنا مش بتضايق من حاجة عملتها ولكن معملوش النهاردة.
