محمد رمضان: ما حققته في الغناء لم يحدث بتاريخ الوطن العربي.. والخطوات القادمة هتثبت كلامي
كشف الفنان محمد رمضان عن العديد من الكواليس المتعلقة ببدايته الفنية ونشأته في مدينة الجيزة، مستعرضًا أثر الفنانين الذين ساهموا في تشكيل مسيرته الفنية في بداياته، ومن بينها وفاة والده وما تركته من أثر كبير على حياته ومسيرته الفنية.
محمد رمضان: ما حققته في الغناء لم يحدث بتاريخ الوطن العربي
وقال الفنان محمد رمضان في حلقته مع الإعلامي الإماراتي أنس بوخش، في برنامج ABTalks: أنا في نعمة وفضل من ربنا ولكن الفترة دي بكتشف فيها حاجات كتير في شخصيتي وفي الحياة، وبدأت أشوف الحياة بشكل مختلف وعوامل كتير من ضمنها إننا بنكبر، ومنها وفاة أبويا وده أول شخص أفقده في حياتي.
وأضاف: أبويا لما كنت أتخيل وأنا سايق لوحدي أتخيل أن سنة الحياة إن أمك وأبوك هيروحوا كنت لما بتخيل بنهار لوحدي لمجرد الفكرة ووقتها أبويا كان بخير، لما أبويا مات محصليش الانهيار ده وقتها وممكن هو يكون دعالي إن ربنا يلهمني الصبر والسلوان ونزل عليا حالة غير طبيعية.
واستكمل: اللي أنا بحققه في الغناء لم يحدث في تاريخ الوطن العربي، والخطوات القادمة هتثبت كلامي ومفيش مستحيل عند ربنا، والدنيا لعبة وليها قانون ولكن لعبة والبيت اللي بشتريه مباخدوش معايا كأني اشتريت بيت جوه اللعبة وفي الآخر مدتي خلصت وبروح للحقيقي.
وواصل محمد رمضان: اتولدت في الجيزة في منطقة زراعية وكان طموحي أمسك الـ3 أهرامات، وأمي كانت خياطة وفنانة عظيمة ولحد دلوقتي بتصنع لبس لبنتي ولبنات العيلة، ولما درست تمثيل فهمت أدوات الممثل ومن أهم أدواته المخزون والناس اللي كنت بسمع حكايتهم وماما بتخيط ليهم كان أكتر من اللي مثلته.
