21 يناير.. أولى جلسات محاكمة ولية الأمر وزوجها المتهمين بالتعدي على مشرفة مدرسة العمرانية

حددت المحكمة المختصة جلسة 21 يناير المقبل نظر أولى جلسات محاكمة ولية الأمر وزوجها المتهمين بالتعدي على مشرفة مدرسة العمرانية، وذلك على إثر توهم الأولى قيام المشرفة بتوبيخ ابنتها ما ترتب عليه تعديها عليها محدثة إصابتها.

أولى جلسات محاكمة ولية الأمر وزوجها المتهمين بالتعدي على مشرفة مدرسة العمرانية

وكانت قررت جهات التحقيق بالجيزة، إخلاء سبيل ولية الأمر وزوجها بعد التعدي على مشرفة العمرانية وتشويه وجهها بسبب توبيخ ابنتهما، بكفالة مالية 10 آلاف جنيه للأولى و5 آلاف جنيه للثاني.

كما كشفت التحقيقات في الواقعة، أنه باستدعاء مشرفة مدرسة العمرانية المعتدى عليها من ولية أمر تلميذة وزوجها، وبسؤالها حول ما طبيعة علاقتها بالطلاب محل إشرافها؟ أجابت: علاقتي بيهم حلوة جدًا لدرجة أن هناك أولياء أمور بيكلموني يقولولي أنت أحن على ابني مني، وفي أطفال مش بترضى تروح المدرسة غير لما أنا اللي أقولهم يلا من كتر حبي فيهم وحبهم فيا.

كما جاءت باقي تفاصيل أقوالها، كالآتي:-

س: أسبق وأن اشتكاك أحد الطلاب أو أولياء الأمور؟
ج: لا خالص

ننشر أقوال ولية أمر تلميذة المتهمة بالتعدي على مشرفة مدرسة العمرانية: الأتوبيس كان هيدوس بنتي| خاص

جهات التحقيق تعاين موقع حريق في مزرعة بالشرقية

س: ما تفصيلات الواقعة تحديدا؟
ج: اللي حصل إن أنا كنت رايحة أركب الباص بتاع المدرسة، وإحنا معديين فجأة وقف قدامنا باص تاني، وفرمل جامد، وفيه أطفال اتخضت، والبنت اللي اسمها سارة عيطت ونزلت مشرفة الباص التاني زعقتلي أنا مش عارفة ليه، وفيه طلاب وبنات عيطوا ومنهم سارة، وبعد كده حاولت أهدي البنت، ما بقولها مالك قالتلي عشان الباص والزعيق وكده، فطبطبت عليها، وجبتلها آيس كريم وقعدت ألعب معاها لحد ما هديت.

وأكملت: وركبنا الباص بتاعنا وماشيين خلاص، وحاولت أكلم مامتها عشان أبلغها باللي حصل وأن بنتها عيطت واتخضيت لقيت موبايلها مقفول، وبعدها جينا بقى عند بيتها، استنيت لحد ما نزلت هي وزوجها، قامت فاتحة الباب والبنت ساعتها كانت نايمة على حجري سحبتها ولبستها الشنطة، وقالتلي هو إنتي بتزعقى لبنتى ليه، قلتلها أنا مزعقتلهاش ولا حاجة.

وأردفت: وقامت جايباني من شعري وقعتني على الأرض وقعدت فوقي، وقعدت تضرب فيا جامد أوي لحد ما زقيتها عشان تقوم من عليا، ولما قمت لقيت الناس كلها بتبص على وشي، فبقولهم في إيه، قالولي وشك متشرح وجايب دم من كل حتة، وبعدين رحت على القسم عملت محضر، وبعتوني على مستشفى أم المصريين، كشفوا عليا ولقيت وشي ودماغي وضهري متشرح خالص وكدمات في جسمي كله وبس ده اللي حصل.