أبرز تصريحات محمد رمضان: مش بحب أصعب على الناس.. ولما والدي دخل المستشفى مطلبتش من حد يدعيله
كشف الفنان محمد رمضان عن بعض الأمور التي لا يفضلها في حياته الشخصية، مؤكدًا أنه يكره أن يصعب على البعض أو التعاطف معه لأي سبب، متحدثًا أيضًا عن الفترة التي دخل والده بها المستشفى وعدم طلبه بالدعاء له.
أبرز تصريحات محمد رمضان
قال محمد رمضان خلال تصريحاته لـ وسائل إعلام مغربية: مبحبش أصعب على الناس أو يتعاطفوا معايا ويدعموني في حاجة، أنا بتعامل لوحدي وبصدر الصورة القوية للجمهور لأنهم عايزين يشوفوا نجمهم قوي، مضيفًا: عيش قوي مكروه أحسن من ضعيف محبوب.. دا مثل بس أنا مش بعمل بيه.
وأضاف محمد رمضان: لما والدي دخل المستشفى مطلبتش من الناس تدعيله بالشفاء لأني مش بحب أصدر فكرة الشعور بالدعم للجهور.. أنا بدعيله ومراعيه.. أحب أصدر لهم كل ما هو إيجابي.
وواصل محمد رمضان: إحنا في دنيا مش في جنة.. مفيش شئ بدون ضرايب ومعاناة ومقابل.. ربنا عز وجل ضرب الأمثلة بالأنبياء أنهم مروا بمعاناة.. فالمعاناة مع النجاح أنا راضي بيها وقدها.
وسبق وكشف محمد رمضان عن بعض اللحظات الخاصة في حياته، والذي يحرص على عدم مشاركتها على مواقع التواصل الاجتماعي قائلا: مستحيل أنزل صورتي من أمام الكعبة على السوشيال ميديا لأن دي علاقتي بربنا، وفكرة عقلي يفكر إني أطلع موبايل عند الكعبة مش موجودة أنا عند الكبير مين أهم منه؟.. دي لحظة خاصة وعاوز أبقى مع العظيم بس.
