ياسمين عز تنصح البنات بمناسبة رأس السنة: اتجوزي دكتور أسنان.. الابتسامة بـ 500 ألف ومعندوش وقت يخونك
وجهت الإعلامية ياسمين عز، نصيحة لـ السيدات والرجال بمناسبة رأس السنة الجديدة 2026، ولا تعتبر هذه المرة الأولى حيث إنها دائمًا ما تقدم النصائح في برنامجها.
وقالت ياسمين عز، في مقدمة برنامجها كلام الناس: نصيحة السنة للبنات حاولي تشوفي عريس دكتور أسنان، عنده فلوس كتير وعيادات كتير وبيوت كتير، ومعندوش وقت ينام ولا يخونك ولا صحة، مرضى كتير وفلوس كتير، كل ابتسامة بـ 500 ألف جنيه.
كما قدمت ياسمين عز نصيحة للرجال، قائلة: نافقها نفاق حميد، ده النفاق الوحيد اللي مش هتتحاسب عليه، وأصبر لحد ما تتجوز عليها، وقولها ماتت في عيني جميع النساء وخد من مسلمة الكذاب وإديها، وكل ما تدي فلوس أكتر كل ما ترضى عنك أكتر.
وتابعت: لو أنت اسمك أحمد روح لمراتك وقولها تعرفي أحمد حلمي؟ أنا أحمد وأنتي حلمي، مراتك مش هتفهم ولكن هتتبسط، هي دي الرومانسية، وأعملها مفاجآت كتير حتى لو هتتجوز عليها، وقولها بنفسك عيب تعرف من برا، قولها بنفسك هتتبسط.
ياسمين عز
وعلى جانب آخر، سبق وكشفت الإعلامية ياسمين عز، عن رأيها بـ فيلم الست بطولة الفنانة منة زكي، وذلك في برنامجها كلام الناس، بعد موجة الانتقادات التي وجهت للعمل بعد طرح البرومو، قائلة: إزاي نحكم على فيلم بكل الإمكانيات الضخمة دي من خلال برومو، أم كلثوم مش إله.. هي لحم ودم وأي حد يمثلها ويقدم سيرتها الذاتية، منى زكي ست محترمة ولازم نقول رأينا فيها بـ أدب وممكن نبقى مؤدبين بعد إذنكم، الممثل لما يعمل عمل نقوله تحمل رأي الجمهور ولكن مش تحمل قلة أدب بعض الجمهور، ومنى زكي ممثلة عظيمة ولما نجيب حد يمثل أم كلثوم لازم تكون هي.. هل هنجيب أسمهان تمثلها؟.
