تامر حسني عن عمرو مصطفى: صاحب علامة كبيرة.. وبيشجع أي موهوب
أشاد الفنان تامر حسني بالملحن عمرو مصطفى، مؤكدًا أن ما يطرحه من أفكار حول الموهبة والاجتهاد يحمل رسالة مهمة جدًا لكل الشباب الموهوبين.
وكتب تامر حسني عبر حسابه بموقع انستجرام، إن حديث عمرو مصطفى يشجّع أي صاحب موهبة حقيقية على الإيمان بنفسه، والعمل المستمر من أجل تحقيق حلمه.
وأضاف: اللي بيقوله الفنان عمرو مصطفى ده كلام مهم جدًا ويشجع أي موهوب أنه ممكن يشتغل وينجح ويحقق حلمه، أكيد الدراسة بتثقل الموهبة بس لو الموهبة لوحدها بالإحساس والحجم ده فهي كفيلة تثقل نفسها، وتخليك تطور من نفسك أكثر لحد ما تبقى صاحب علامة كبيرة زي عمرو كده.
عمرو مصطفى: أنا مش دارس موسيقى
وفي سياق آخر، كشف عمرو مصطفى، لأول مرة، عدم دراسته للموسيقى، موضحًا أن سبب تميزه التلحيني، هو موهبته ومشاعره.
وقال خلال تصريحات تليفزيونية: أنا مش دارس موسيقى، ومعرفش السلم الموسيقي ولا النوتات ولا المقامات الموسيقية ولا الهوا، اللي بيشغلني مشاعري، واللي يعرف تشغله مشاعره يوريني، وأنا مبسوط ومش عايز أتعلم، واللي يعرف يعمل زيي يعمل.
وأوضح عمرو مصطفى أنه كان السبب الرئيسي في عمل عدد من أشهر الموزعين مع الهضبة عمرو دياب، قائلًا: أنا وعمرو دياب من أول ما دخلنا المزيكا ناقر ونقير، ولما بقوله يمين من قلبي والله ويعمل هو حاجة تانية، هو دماغه كده، ومعظم الموزعين اللي تعاونوا مع عمرو دياب كنت أنا سبب في وجودهم معاه.
