محمود العسيلي عن زواجه للمرة الثالثة: “اتجوزت عشان في حب مش طفاسة”

قال محمود العسيلي إن حديثه عن كورونا في إحدى التغريدات له على تويتر، فهمت بشكل خاطئ، قائلًا: “ماقولتش أن كورونا وهم، قولت أنها خدعة كبيرة في البشرية، كنت بتكلم عن حجم الخوف والهلع غير المبرر، بالكورونا قعدنا 4 مليار شخص في البيت، والحكومة المصرية مابتتعاملش بهلع وخوف بالعكس بطريقة خلتنا نفتخر بحكومتنا”.

وتابع خلال برنامج شيخ الحارة والجريئة على القاهرة والناس، “أغنية علشان تبقى تقولي لا، بتاعت تميم يونس مش بتاعتي، وأنا استفدت إني طلعت فيها وشرف ليا إني أطلع فيها، ولما عمل الأغنية اللي قبلها “انتى أي كلام” قولتله أنا معاك في اللي جاي، وأعتقد أنها عبقرية بس هي مش أغنية، لأنها بتلعب على المحتوى”.

وأضاف العسيلي: “بتفرج على مسلسلات رمضان وفي حاجات كتير عجباني، لكن كنت قولت أن 30 حلقة ممكن يأثروا على المحتوى، ولو اتعملت 15 حلقة هيبقى أفضل، والمشكلة إننا بنتفرج على مسلسلات بره وعارفين الإيقاع السريع، وأنا شخصيا أتابع مسلسل الاختيار والبرنس و100 وش والفتوة، وأنا شخصيا مابغنيش تترات خالص غير مرتين”.

ووجه العسيلي رسالة إلى ابنه قائلا: “ابني “علي” مش بعيد عني، أنا موجود في حياته بشكل كبير، وبيبات عندي يومين تلاتة في الاسبوع، وهيتم 10 سنين في أغسطس اللي جاي وأقول له أنا دايما في ضهرك وسندك”، وعن والده، “كان مؤثر في حياتي وعلمني حاجات كتير”.

ورد العسيلي عن سبب زيجاته الثلاث وقال “الحياة قسمة ونصيب وأكيد اتجوزت علشان في حب مش طفاسة، وعلاقتي بزوجاتي السابقين محترمة جدا، وأنا اتجوزت تالت مرة علشان عايز أعمر”.

محمود العسيلي لـ”شيخ الحارة”: “بشرب شيشة وعارف أنها مضرة”

العسيلي لـ”شيخ الحارة والجريئة”: مطربو المهرجانات يمثلون جزءا من ثقافة البلد