بانهيار شديد.. يسرا عن رجاء الجداوي: ست مش هتتكرر تاني.. نضيفة ونقية وقدوة للناس

عبرت الفنانة يسرا عن حزنها الشديد بعد وفاة الفنانة رجاء الجداوي المنية عن عمر ناهز 86 عامًا، بعد معاناتها بإصابتها بفيروس كورونا المستجد لفترة دامت 43 يومًا، ورحلت عن عالمنا في الساعات الأولى من صباح اليوم الأحد، ووقع الخبر كالصاعقة على قلوب محبيها.

وبانهيار شديد تحدثت يسرا عن الراحلة رجاء الجداوي عنها في مكالمة هاتفية مع الإعلامية لميس الحديدي ببرنامج “القاهرة الآن” على “الحدث العربية”، وقالت: “الست دي مش هتتكرر ومش هتيجي زيها تاني، نضيفة ونقية وجامدة وهتلاقيها في ضهرك، صديقة وأخت وأم”، وعن الهجوم التي تلقته رجاء بسبب تلقيها العلاج بشكل خاص ومتابعة مستمرة من وزيرة الصحة، فعلقت يسرا، أنها لا تعرف  ما سر ذلك الهجوم.

ابنة رجاء الجداوي منهارة: “شغلها أهم حاجة في حياتها.. سابتلي حب الناس والأخلاق”

وأضافت يسرا: “الست دي قدوة للناس اللي النضيفة والطيبة، الست دي معشتش لنفسها دي عاشت لبنتها ولأصحابها وللناس اللي حواليها”، وعن آخر كلماتها لها: “يارب ما تقعي في الضيقة اللي انا فيها، كانت بتدعيلي أثناء تعبها ومرضها، احنا كل يوم كنا بنعملها خاتمة قرآن كل يوم انا ودلال عبد العزيز وميرفت أمين”.

وعن تعاملها في أي عمل فني، قالت: “كانت عنصر أساسي ومهمة في حياتنا وفي أي دور، وبتتقل العمل والحدوتة، كانت حنونة على كل الناس، داخل وخارج البلاتوه، بينها وبين أمي أيام، وبينها وبين عيد ميلادها شهر إلا يوم، هي كانت حاجة كبيرة بالنسبة لي”.

تعرف على وصية رجاء الجداوي الأخيرة قبل وفاتها في مستشفى عزل أبو خليفة

ابنة رجاء الجداوي: “طاقم التمريض صلوا عليها كأنها من عيلتهم وكانت بتدعيلهم”