تامر هجرس: حصلي كرامات وأحافظ على صلاة الفجر في الجامع.. وبطلت أسمع مزيكا وبسمع قرآن وأنا بتمرن
تحدث الفنان تامر هجرس، عن سبب عدم مشاركته في أعمال رمضانية، مؤكدًا أنه لا يفضل العمل في شهر رمضان على الإطلاق، كما أنه يحافظ على ورد يومي من القرآن والأذكار.
وقال تامر هجرس، في ندوته بـ القاهرة 24: شغلنا بيتطلب مننا حاجات متعبة جدًا، ولكني قررت إني مشتغلش تاني في رمضان لأنه شهر روحاني وعايز أشوف عائلتي.
وأضاف: بحاول أحافظ على صلاة التهجد والفجر في الجامع، وعندي ورد قرآن كل يوم وأذكار الصباح والمساء والتسبيح، دول ساعدوني في مراحل كتير في حياتي، حتى وأنا بتمرن بطلت أسمع مزيكا وبقيت بسمع قرآن وبقول معاه وده بيعمل توازن في حياتي.
وتابع: حصلي كرامات واتقالي أني متكلمش فيها علشان الناس ممكن تستقل بيها أو متفهمهاش، ولكن ربنا بيكلم البني آدم كل يوم في حياته، ولكن احنا لازم نلاحظ ده.
تامر هجرس عن جدل التاتو: ربنا أكبر من إنه يحاسبنا على الحاجات الصغيرة
وعلق تامر هجرس، على جدل الوشوم بـ يده، قائلًا: ربنا أكبر من إنه يحاسبنا على الحاجات الصغيرة زي التاتو، ربنا بيحكم علينا بأعمالنا ونياتنا وهو رب قلوب، والناس بتقولي حيّرت الشيطان عشان عامل تاتو بـ ذكر لا حول ولا قوة إلا بالله، لما أوصل لمرحلة إني خلاص بموت، هبقى أفكر عايز أشيله ولا لأ، بس حاليا في اللحظة دي مقتنع بيه.
