محمد شاهين: نفسي أفتح مطعم بس معنديش وقت.. وكنت فاشل في الدراسة
تحدث الفنان محمد شاهين، عن هواياته بعيدا عن التمثيل، مشيرًا إلى أنه يهوى الطبخ بجميع أنواعه، وكان فاشلا في الدراسة.
وقال محمد شاهين خلال لقائه مع الفنانة إسعاد يونس ببرنامج صاحبة السعادة: بطبخ دايما وبقوم بالعزومات لوحدي، ونفسي أفتح مطعم لكن معنديش وقت ومعنديش وصفات أقدر أقولها، أنا بطبخ من غير وصفات معينة ومقادير محددة، زي التمثيل عندي كدة، مبعرفش لما حد يقولي مثلت الدور إزاي أرد عليه.
وتابع محمد شاهين: أنا مكنتش شاطر في الدراسة وقضيت طفولتي مع جدتي في بيت في الدقي جنب الفنانة رجاء الجداوي.
محمد شاهين يتحدث عن مشاركته في مسلسل لام شمسية
وتحدث محمد شاهين عن مشاركته في مسلسل لام شمسية، حيث قال: ناس كتير قالتلي أنت جرئ عشان تعمل دور وسام، وأنا مش شايف إن في جرأة، لأن أنا ممثل ومثلت الدور بس، تحمست جدًا للدور أول ما اتعرض عليا، وكنت بزن على الحلقات عشان عايز أعرف اللي هيحصل، وقولت إزاي ممكن حد يرفض الدور ده، أول مرة أعمل عمل أحس إنه هيفيد الناس، والناس قالتلي شكرا إنك مثلتنا.
