معوداها تحكيلي كل حاجة.. أول تعليق من والدة الصغيرة صاحبة خاتم الخطوبة تاني يوم مدرسة
تصدر فيديو لصغيرة ترتدي خاتما، تريند مواقع التواصل الاجتماعي، حيث ظهرت مع والدتها تتحدث عن خطبة زميل لها بالفصل، وأثار الفيديو حالة من الكوميديا والمزاح على منصات التواصل الاجتماعي.
أول تعليق من والدة الصغيرة صاحبة خاتم تاني يوم دراسة
وقالت زينب محمد والدة الصغيرة في تصريحات خاصة لـ القاهرة 24:خرجت من المدرسة تاني يوم ولابسة خاتم افتكرت أنها اشترته بفلوسها، قالتلي لا يا ماما أنا اتخطبت فرديت عليها إني لازم أصورها، وبتقولي خلاص يا ماما أنا اتخطبت بالخاتم ده وصاحبتي كمان اتخطبت زيي.
وتابعت: وكنت متوقعة الفيديو يطلع تريند وأنا واخداه فيديو فكاهي مش أكتر، عشان دايما في البيت بشد عليها وأقولها ده ينفع وده مينفعش، بس بحاول طبعا يبقى الأسلوب لطيف عشان البلاوي اللي بتحصل يومين دول، وحتى لو في غلط أو عيب نتكلم بأسلوب حوار جيد، والهدف من ده أنها تثق فيا وأنا بعودها تحكيلي كل حاجة.
وأضافت: طبعا كل الناس اللي شافت الفيديو كانت بتضحك وواخدة الموضوع كله كوميديا حتى محدش كتب تعليقات سخيفة وناس كتيير عملت مشاركة للفيديو بعد ما عجبهم.
